Çaste poetike me poetin;Gëzim AJGERAJ
Kur të kemi ikur
———————————
Ditën kur të kemi ikur
e të kemi mbyllur faqen e fundit të librit
Ndizni për ne temjanin e kujtimeve
Të paktën me tymin e mungesës sonë
Largoni vegullinë e harrimit të ditëve
Që mos na thahet loti i mungesës
Me lamtumirën tonë
Ndizni kandil heshtjes
Të mos na verbohet fjala në varg
E me dritën e saj
Ndriçoni kalanë e mendimit për të nesërmen
Të mos na zërë verbimi
Nëpër netët pa dritë
Me preludin e kujtimit
Dhimbjes thyejani heshtjen
Nga pentagrami i pikëllimit
Zbritni notat e fjalës
Vargun të mos e zërë harrimi
/www.QendraPress.com/
