Çaste poetike me poetin;Nijazi KASTRATI

BOTË GËNJESHTARE

———————————–

Botë gënjeshtare

Sa shpesh ndryshon

Të sjell një gëzim

Më shpesh të shqetëson

Kur fillon t’ndjehesh

I lumtur i qetë

Ndryshon shpejt gjendja

Si stuhi n’det

Po si valë të mëdha

Trazuar aq shumë

S’mund t’gjeshë qetësi

As natën në gjumë

Aq zhurmëshëm të vinë

Me shumë oshtima

Sa shumë dridhet trupi

Ngritet adrenalina

Si të qetësohet atëherë

Ky shpirti i përvuajtur

Që qenka krijuar

Vetëm për të vuajtur

E tillë qenka jeta

Me sfida aq shumë

Të rrëmben dallga

Si ujt në lum

Pas pak rreze dielli

Këtë botë ndriçon

Jeta jonë me sfida

Kështu gjithni vazhdon

/www.QendraPress.com/