Çaste poetike me poetin:Sahit OSMANI

DËSHMORËT E ATDHEUT

——————————————-

Askush me ta’ nuk mund të krahasohet

Vdekjen e bënë që të gjunjëzohet

Më të veçantë s’e ne ata ishin

Në sytë e tyre pranga nuk kishin

Me diell në dorë e luftonin terrin

Jeta mos ta përjetonte ferrin

I shtynë kohërat për padrejtësitë

Të gjenin udhën t’i çlironin liritë

Gjaku i tyre i lëkundte malet

Qiell e dhe të pushonin të qarët

Mos t’kenë frikë t’i dridhen dritës

Në zemra kishin gëzimin e rritës

Hapën kufijtë me heroizmin e pavdekshëm

Gjeografia e atdheut të mbetet e paprekshme

Buzë kufijve përlesheshin me stuhitë

Vdekjen e panë në sy t’i mbronin dashuritë

Dhe e morën fytyrën e lirisë

Të përlindin me lulëzimin e pavdekësisë

/ëëë.QendraPress.com/