Çaste poetike me poetin;Shaban PLLANA

ISHTE NATË E TRISHTË

—————————————-

Në një çengel në mur

E vara lëkurën time

Mishin ma brenin minjtë

Eshtrat hidhnin valle

Dikush prej së largu

Gjuante me guralecë

Sytë më qitnin gaca

Pëlcitnin si kripa në zjarr

Një mace e zezë si futa

Më varej në vesh si vath

Mundohej ta nxirrte miun

Nga vrima e veshit

Isha apo s’isha në ëndërr

Kjo s’më kujtohet

Vetëm e di

Se ishte natë e trishtë

/www.QendraPress.com/