E diela e 7 poezive dhe 7 poeteve:Armenida QYQJA

ME TY QË NGROHTË M’I FLET ZEMRËS-

———————————————————-

Era më solli nga larg frymën tënde,

Dhe rrotull meje u ngroh e skuqur vjeshta,

Një tjetër lloj drithme, rrënqethi qënien time,

Me mollëzat e gishtërinjve të tu…

Dalëngadalë po ja del, i dashur,

Mua, paganen e përbetuar të diellit,

Po më bën krejt, pa kuptuar,

Të dashurohem me të gjitha stinët…

Ti qesh e bëhesh diell i tëri, papritur

Dhe mua s’më mbetet gjë tjetër veç dorëzimit,

Me ty, që zemrës ngrohtë m’i flet pareshtur,

A mund të mos i dua të tëra stinët?!

-ARMENIDA-

(Tetor 2022)

/www.qendrapress.com/