E diela e 7 poezive dhe 7 poeteve:Bruna MUSAI
MË KE MUNGUAR
—————————————–
Nëse të mjafton të them, se më ke munguar
Gëzoju këtij fakti, se akoma jam gjallë,
Kujtimet për ty, kurrë s’u vjetërsuan
Por mbetën të freskëta, të zhytura në mall.
Nëse do ta dish, sa shumë më ke munguar
Më mungon sa ajri, që çdo ditë marr frymë,
Më mungon sa shiu, thatësirën për ta shuar
Më mungon sa Dielli, që ngroh në çdo stinë.
Nëse do më pyesje, a me ke munguar
Do ta lija pyetjen, pa asnjë përgjigje,
Ta dëgjojë zemrën, që rrahjet s’iu shuan
E ta ndieje shpirtin, e mbushur plot dhimbje.
Nëse do besoje, se s’më ke munguar
Do besoje në jetë, të vetmen marrëzi,
Në shikimin e thellë, ca lot kurrë s’u shuan
E një mall i fshehur, që i strukur rri.
Bruna Musai