E diela e 7 poezive dhe 7 poeteve:Dalina ARIFI

Vaji Nënës Krushjane

——————————————

I heshtur asht’ zani saj,

Se plaga e ka lodh

Shpirtin ia ka vra

Loti syrin ia ka verbu.

Vaji nanës Krushjane

Qetësin e natës ka tërbu.

Nanë e madhe

Rrite djalin e bane burrë.

Malli për babanë që se pa kurrë.

Djalin po e vret, zemrën ia ka plagu

As kujtimet e tij mungesën s’munden me shërua.

Vaji nanë Krushjane

Malet i shembi

Dhimtë trazoj mbi shkab

I heshtur zani n’kup t’qiellit shpoj

Sa shumë mërzia e kish plakë

Mbi rrudhat e ballit

Që jeta kish qëndis

Djalin e vetëm për gurbet kishte nis

Moj nanë e madhe, motra jonë

M’le sall një herë t’përqafoj

Gjysmën e peshës t’plagës

Mbi supe t’mia ma dhuro

Vaji saj qiellin kaploj

Për djalin e vet

Që Kosovë nuk e gëzoj

N’kujtimet e saj t’errta

Rrudhat e dhimtve ia kishte qëndisur jeta

N’prag të derës e vetme kishte mbet nënë shkreta.

Dhimb t’pa shërume n’zemrën e saj

Kishte prit me pa nusen e djalit vet

Jo me ia marr i shkreti gurbet.

Krushë e Vogël

Dhimtë e Madhe!

/qendrapress.com/