E diela e 7 poezive dhe e 7 poeteve :-Margarita Llapushi ZENELI
Vjeshta ishte aty …
———————————————
Vështrimi ikur nga dritarja tej
Ngjyrat e arta vallëzonin në erë,
Shpirti dridhej si molla mbi degë
Ngadalë lumi fliste, si në verë!
Gjarpëronte rruga në fusha e male
Poshtë dëllinjës jeshile thëllëza qëndronte,
Për dore ca gjethe bukur hidhnin valle
Një copë vjeshte qeshte,në gji t’dimrit gëzonte!
Një melodi kënge në sfond si fllad vinte
Shpërndahej me erën në mal ofshëtinte,
Në zemër një gozhdë ngulur me vite
Të shkulej priste, vetëtimën të ndizte!
E njëjtë e re kishte ngelur vjeshta
Me ylber ngjyrash shpirtin të vriste,
Lahej në shi e qeshte në diell
Sfidonte çdo stinë ,me germa zemrën gërvishte!
/www.qendrapress.com/
