E diela me poeten;Nurie Baduni

PËRMBI ZABEL

———————

Heshtja sot ma dominon fjalën,

E lidhur ndihet, e dobët, e shkretë,

S’ka motiv ta nxisë për udhë,

Dhe rri e strukur, si pa jetë.

Heshtja rri mbi buzë si puthje,

Imazhi yt s’troket në shteg,

Ndrydhet, thahet, fishket dukjes,

Thellë saj fluturon shigjetë.

Fjala loton sot bashkë me mua,

Flemë e ëndërrojmë përmbi zabel,

Fjalët e shumëpritur i ndali koha,

Heshtja ëmbël na përkëdhel.

Fundpranvera na çon buzë detesh,

Flladi i lehtē më pëshpërit nē vesh,

E lagur, e kripur nga deti e lotēt,

Fjala dhe heshtja seç bien ndesh. N. Baduni 11.05.2021