E diela poetike me penën e artë të ;Gëzim Ajgeraj
Anatema e të djeshmes
—————————————
Të anatemë na polli e djeshmja për nesër
edhe shafran e pak terr të zi na dha mbi koka
litarin varur ia mbajtën fjalës në arenën e mendimit
në vorbullën e heshtjes zihej mendimi për të nesërmen
që kusarët e ligësive mos të ia shuanin flakën e brendshme
në bombolën e hermetizmit të fjalës fshihej mendimi i bardhë
edhe dita e shkëlqimit për të nesërmen e vonuar
censurë apo makth i vetcensurës në litarin e guximit
Mendimin e madh të sotmes rritë e kemi me ajkën e guximit
gjak e asht piu etja e netëve shekullore, korba
deri në shkëlqimin e agut të ri
Prizren, 2021