E diela poetike me poeten:Bruna Gjoni Pervathi

Një vajze

_______________

Kur isha vajzë e vogël fshehurazi vishja këpucët me taka të nënës ,që i ruante vetëm për raste

( me sa kujtoj nuk kishte të tjera)

Lyeja buzët më kokrra qershie të dukesha nuse…

Prisja pranverën që flokët ti lidhja me lule kumbulle..

E me zambakët e çelur u qepja fustanë kukullave prej lecke..

Kur isha e vogël dridhesha nga kolla e tim eti,

trëmbesha edhe nga zjarri i cigares që mbante mes buzêve

( baballarët ishin më të sertë)

Po kur hynte në shtëpi i hidhesha në krahê

I puthja flokët ..

E më pas e penduar i lëshohesha ( të dukesha e madhe)

Kur isha e vogël ..vëllai ishte edhe më i vogël

( kurrë nuk e kuptova pse më dukej i fortë)

Kur u rrita pak …

Eh ..kur u ndjeva e rritur ,fillova të doja një burrë

Në duart e tij ndjeja copeza dhimjesh të femijërisë

Ato më dukeshin larg..

Në largësi e kërkoja zërin e tim eti

Sytë e malltë të nënës

Rrasat e gurit të oborrit ku im vella luante me mua

Dhe pasqyrën ku shihja mëngjeset ..

Kur u rrita ..ai burrë më bëri grua..

E më vrau në duart e tim eti