E hëna poetike me poeten;Dije LOHAJ

KĒNGË PËR FLAMURIN

————————————————-

Shumë flamuj valojnë nëpër botë,

Por valëvitja jote

Ka hirin e mbetur të betejave,

Ka freskinë e krojeve

Që sa herë ktheheshim nga lufta

Shuanim etjen e zhuritur,

Ka muzat e pagëzuara me fitore

Të betuara betejave të reja dhe tē vjetra

Ngulitur rrënjëve tê tokës mëmë.

Shumë flamuj valojnë nëpër botë,

Por ngjyra jote ka gurgullimën

E gjuhëve tē heronjve,

Ka moshën e mëmëdheut

Kur valëvit e shqipton erën e stinëve,

Në çdo pore ngjiz kohën e mirë

Dhe plagët e vjetra e të reja i mëkon.

Je kudo, sa here loti bën shtratin e lumit,

Sa here dheu bëhet copë-copë,

E copat e tij i mbledh një nga një

E i vë në shtratin e zemrës mëmë,

Dhe nuk e lë tê vyshket zjarri i besës

Se u betuam që të dy

Tek frymuam në legjenda prej gjaku

Mbi vegim shekujsh

Se njeriu legjendë e dinte përmendësh

Apoteozën e flamurit

Shpeshherë ngatërruar nga e liga, shëmtia

Nëpërkëmbur nga fjalime gogolësh.

Shumë flamuj valëviten nëpër botë

Por pêr ty ndjej

Tërë universin zjarrmor brenda kraharorit

Se i shenjti dhe nuk hiqet se nuk hiqet

Nga shputa ime me erë buke

E me erë lulëkuqe nuk shqitet

Se gjakimi në gurgullimën shekullore

Gurrën dhe kullën s’i shembin kurrë,

Mbi atdhe valëvit i shenjti flamur!

/www.qendrapress.com/