E hëna poetike me poeten;Shukrije GASHI

Heshtja ka kanar

——————————–

(23 nëntor 2021 -Atyre që u sakatosën n’ burgjet e

Maqedonisë për Liri e drejtësi/

Kujt me i kallxu or vëlla si dhemë

gjylpana mes thonit e mishit

a thojt e nxjerrin me dana

netëve kur terri hante jetën

n’ lemeritje

kthinave me pacova e stenica

Novica i Zi egërsisht gërryente me nge

e naze kocin e ushtarit t’Lirisë

një zhylet vizatone mbi lëkurën

tanë etjen e ushujzës e plaga

t’pikonte gjak

muret s’kishin gojë as vesh

rrethuar me çakej n’pellgun

e kuq shtrirë nga rrezbitja e kamxhikut

me gishta t’sakatosur prap numëroje

shokët e Lirisë kurrë t’ harruar

e përtej murit n’ kthinën tjetër një këngë

anipse me zë trishti e idhnim sertë shkruante

Baladën e Harrimit për djemtë e syrgjynosur

Jashtë burgut larg nga tundimi për

kuptimin e dritës që verbon kujtesën

Kujt do me i kallxu as sot e nesër

si dheme Liria ecjeve n’maja heshtash

kur thembrat pikojnë limfë a qelb

sepse gjak nuk ka ma

e kamtë nuk e nijn prekjen mi tokë

kur bokallin e ke përballe e ujë nuk mundesh me pi

ah ideali nuk hahet as nuk blehet

or vëlla po heshtja ka kanar

e kapk florini

ç’zezonë e keqe mordja e karremit

pushtet e lustra mondane

shtrejt e paguar

E ranë plaga e fjalës pa e menu

s’ke ç’me i ba dheme fort

e pak kush e pa…

/www.qendrapress,com/

—————————————————