E mërkura poetike me poetin:Gëzim AJGERAJ

SHI, BIE SHI MBI FJALËN

———————————–

fjalën e lan pa qiell

ia shpuan edhe kaltërsinë e mendimit

e ia nxinë edhe diellin

shi, bie shi arave të mendimit

s`la bereqet as metaforë

për filozofin e vargut

vërshuan përroska e lumenj

desh shkulën edhe brigjet e fjalës

me turrin kah deti i vargut

medet ç`hapsira të brishta

kanë hapur nëpër kënetat e vjetruara të fjalës

kundërmon përsiatje e narracion

deti i fjalës u turbullua

sa edhe peshqit e mëdhenj të mendimit

ikën heshtjes për në harrim

/www.QendraPress.com/