E shtuna poetike me poeten;-.Besa REXHA

E braktisa dhimbjen

———————————

Dhimbjen do ta hedh në krahët e erës

Më lodhi e s’mundem më dot ta ndjej

Lotin të ma fshijë fllad’i pranverës

Dhe drithërimën e buzës në gas ta kthej

Mjaft më lodhi ajo botë vrastare

Dhe në shpirt më vrau çdo gjë

Një zemër që kurrë s’ish mëkatare

Përse vallë duhet të mbytet në të?

Kto çaste më bëjnë të dridhem sot

Që më në fund po lind një shpresë

Një strehë të re t’më falë kjo botë

Që e shkuara vajtuese pas të mbesë

/www.qendrapress.com/