E shtuna poetike me poeten:Sevëme FETIQI
DASHURIA NUK FSHEHET
———————————————-
Edhe nëse dashuria
fshehet diku brenda heshtjes
zjarri ia tradhton fytyrën
nga sytë rrjedhë nuri i saj
Ia shkrepin ndjenjat bukurinë
si yjet kur dalin në errësirë
lotët e pastër ia lëmojnë shtatin…
Edhe nëse errësirën ti e sjellë me vete
vetëm me një shkëlqim të dobët qiriri
pamja ime do ta ndezë dritën
në fund të tunelit
unë e ti i duhemi njëri- tjetrit
si nata ditës për të pushuar në të
si dita natës për të qeshur me zë.
