E shtuna poetike me poetin;Gëzim AJGERAJ

NJË FYELL NDËR MALE

———————————

Jehona e një melodie fyelli

shponte male e fusha

qysh me agun e par të mëngjesit

kur dielli zgjaste kokën tek kodra mbi Vërri

e notat e tijë

hynin shtëpi për shtëpi atje tek lagjia

dhe trazonin shpirtin e një vashe

që krihej çdo mëngjes

aty tek dritarja

jehonës së tijë

i shtoheshin edhe ca këmbana delesh

që kullotnin blerimin e lëndinave

dhe kullotave

përtej shpati

dhe thirrja e qobanit

herë pas here

atë verë edhe bilbilat

e ndalën këngën

përpara jehonës së fyellit

dhe tingujt e valleve të bukura

që pushtonin

shpirtin e malsorëve

dhe drenushës flokëkuqe

atje tek dritarja

në verën tjetër s`u dëgjua

as fyelli

e as flokëkuqja

nuk u pa më tek dritarja

as delet mbi shpatije përtej

thonë se vjeshta

i gjeti nën një kurorë

2002

——————————

*Një djaloshi që më krijonte emocione, me fyellin e tijë ndër male!

/www.QendraPress.com/