Erdhi nga Arabia, u martua me shqiptar dhe hapi biznese në Shqipëri e Kosovë

                 Gamila është e lindur dhe rritur në Arabi, por fati ka dashur që ajo të martohet me një shqiptar dhe të vazhdojë jetën në trojet shqiptare.Ajo tashmë ka mësuar edhe gjuhën shqipe dhe e flet mjaft mirë.Ishin vitet e studimeve kur njohu një shqiptar në Egjipt dhe pasi u dashuruan, përfunduan në martesë dhe erdhën në Shqipëri.“E kemi menduar të jetojmë edhe në Arabi, por Shqipëria është vend i bukur dhe vendosëm të jetojmë në Shqipëri”, rrëfen gruaja nga Arabia për ATV-në.Ajo thotë se nuk ka parë ndonjë ndryshim të madh në traditat sa u përket nuseve në Arabi dhe Shqipëri.Ka fjalë të mira për popullin tonë pasi thotë se janë të dashur dhe kanë humor të mirë.Por më së shumti i ka pëlqyer tradita e familjeve shqiptare.Sot vajza e lindur në arabi ka një biznes të vetin në Shqipëri dhe merret me barnatore dhe kozmetike.“Në fillim kam punuar si përkthyese më pas në hotele, por më pas fillova biznes në produktet kozmetike”.Nusja shqiptare, pas suksesit në Shqipëri tashmë ka vendosur të shtrijë biznesin edhe në Kosovë.