Fryma poetike e së dielës me poeten; Abide Peci Gashi 

JASHTË VIRTYTEVE

——————————–

Jetë e ndërtuar përmbi intriga

Mureve tua rritet bari prej anarkisë,

Njerëzit merren veç me punë të liga,

Jetojnë larg paqes dhe drejtësisë!

Joshur janë veç nga mashtrimi,

Interesi, kafshata e madhe e lakmisë,

Zemrën ua ka mveshur shfrenimi,

Janë dalë jashtë virtyteve të ndershmërisë!

Ku na dërgon o jetë e pamend,

Që je harruar në lukse dhe të pasur,

Jashtë kopshteve tuaja radhë e rend,

Janë mbuluar sheshet me të varfër!

Lëngojnë nëpër këndet e errëta

Shtrirë në tokë dhe nëpër ulëse,

Për troha buke me shije të njelmëta,

Po i sosë dielli me rrezet përvëluese!

Ti jetë nuk do t’ ndjesh për këta njerëz

Jo fort moti , punonin me nderë,

Bukën e fitonin veq me punë dhe djersë

Sot shtrijnë dorën për një monedhë!

Punuan me vite nën thellësinë e tokës

Aty lan dhe jetën shumë minator,

Të përparojmë si vendet e botes

Tani s’ kan as për bukë dhe as për doktor!

Ndryshe kësaj dukurie nuk i thonë

Veç ligësitë dhe anarkia na ka rrethuar,

Dikush jeton veç për vete ka çfarë dëshiron

Përse të lodhë kokën për skamnorë!

Kësaj i thonë jetë e shfrenuar,

Jashtë virtyteve jeton çdo trup,

Jeton për statuse dhe foto të zbukuruar,

Larg ndershmërisë dhe pa një fije turp!

/www.QendraPress.com/