Fryma poetike e së dielës me poeten:-Nexha REÇICA

NËSE

——————-

Nëse ndonjëherë

rebelohem para shiut

A do të grindem me retë

kur të mbushen

rrugët me dallgë.

Apo do të jem

lundërtare e shpresës

kur do të zbrazet

pluhuri i dendur.

———————-

MOS MË KËRKO

Nuk të mungova dje

nuk të mungoj as sot

pse vallë të të mungoj nesër

ndaj mos më kërko

Dje nuk pate mall për mua

nuk ke mall as sot

nuk do të kesh as nesër

Ndaj mos më kërko

nuk më shihje dje

As sot nuk më sheh

nuk do të më shohesh as nesër

mos më kërko kurrë më.

As ti nuk do të më mungosh

nuk do të kem mall për ty

as nuk do të të shoh fare

ndaj nuk të kërkoj më.

/www.qendrapress.com/