Fryma poetike e së dielës me poeten:-Seti Pezaku VLADI

DASHURIA IME

———————–

Ngazëllimi i syrit

Më i madh se fusha e fluturimit.

Si diamante vallëzojnë pikat e shiut në ikje,

Poshtë neneve.

Mbrëmja, me një copëz hëne në dorë

Zbret shkallët,

Ndez kandile yjesh në qiellin e lagur.

Trokasin hapat

Mbi asfaltin e përmalluar.

Eci me dashurinë time

Veshur me këngë gjethesh,

Vaditur me gurgullima krojesh,

Pranverën kurorë mbi kokë,

Vjeshtën gjerdan portokallesh.

Dashuria ime ndez yjet e netëve,

Bëhet rreze dielli,

Zgjon mëngjeset,

Ngroh rrënjë e degë. /QendraPress