Fryma poetike e së dieles me poeten;-Vilma NIKA

Të Dielat Magjike.

————————————-

Ti ecën rrugëve të qytetit,

me stilin tënd, gjithë nur e sharm.

I buzëqesh dhe retë e qiellit

kur trokëllin mbi trotuar.

Ç’i përkëdhel flokët lëshuar

kur gjithë finesë i stilizon.

Djalërinë me gotë në duar

e deh, e josh, e gjunjëzon.

Të mos zë moshën e shkuar,

që mbeten kohës në rini,

ku piqet malli buzëpërvëluar

nga një kujtim që e sjell ti.

Ç’e mirë, moj, të ka bekuar,

të jesh mëkat, dashuri !?

Ti plagësh zemrat ëndërruar

dhe të mos kesh pak dhembshuri.

Çapkëne ti, që sjell pranverë,

moj buzëkuqe si qershi.

Pa hidhi, moj, dy sytë njëherë

dhe ne u djegshim zjarr e hi.

/QendraPress/