Fryma poetike  e së dielës me poeten;Dava GJOKA

VEÇ ME U DASHTË, PRAP S’KEMI KOHË …

———————————————————

E freskët sonte ,nata që iku

Pas vapës së djeshme që përvëloi

E n’këtë mëngjes të bukur Korriku

Rrezet e para ,dielli ,lëshoi

Dhe dita sot më buzëqeshi

Në qiellin e pastër pa tym e re

E më tha mua “mirëmëngjesi “

Eja buzëqesh dhe ti me ne

Ta nisim bukur së bashku këtë ditë

Unë edhe ti ,ata e ato

Se kohë nuk kemi aspak me pritë

Veç me u dashtë ,prapë s’kemi kohë

/QendraPress/