Fryma poetike e së dielës me poeten;Irena BIDA

JETOJMË ÇDO ÇAST

—————————————

Nuk mund t’i ndaj,

perëndimet e murme

dhe shpirtin në agime ,

kur puth rrezja e artë .

Çdo ditë 24 orëshe ,

e jetojmë , me magjinë e saj.

Dashurinë e zjarrtë ,

jetojmë çdo çast …

Nuk mund t’i ndaj ,

janaret , prillet e majet .

Pranverën në çdo stinë ,

jetojmë , me pjalmet e saj.

Shijova mbrëmjen sonte ,

deri vonë në mesnatë ,

në aromën e jodit të detit .

me shkëlqimin e hënës e yjeve të artë .

Sa ëmbël bregun vala puthte ,

ashtu dhe puthjen tënde marr ,

me afshe ndezur ,të nxehtë ,

kur trupat bekohen , në shtrat…

Aspak nuk ndihem vetëm .

Çdo çast të ndjej pranë .

Përkëdhelur hiret, me fllad .

Pushtuar shpirti, me mall…!

/www.QendraPress.com/