Fryma poetike e së dielës me poetin; Gëzim AJGERAJ

Anemia e kohës

—————————-

Nën dyshemenë e plasaritur të kohës

mbetëm duke e kërkuar faqen e bardhë

të të virtytshmes së njerëzores

shpeshherë me pamjen e mashtrimit

na frynë magjishëm vegullia e ligësisë

gojëmjaltët janë bërë mjeshtër të artit e të aktrimit

të dytët shpejt e pinë ujin e besimit

tek futin këmbët në baltën e tjetrit

e varin sinqeritetin mbi urën e ligë të mashtrimit

thonë se fjala rrjedh nga krojet e zemrës

thonë se edhe besimi ndërtohet me besim e besë

këtë e thonë edhe poetët ndaj shpesh mashtrohen

nëse lidhesh për litarin e fjalës lidhu për fjalën tënde

kurrë mos u lidh për fjalën e atyre që të shikojnë në sy

e ta luajnë aktin e dytë të dramës së mashtrimit

sharlatanizmi s’njeh norma as etikë

besoi vetëm fjalës që buron nga kodet e zemrës tënde

/www.QendraPress.com/