Fryma poetike e së dielës me poetin:- Qazim THAÇI

Dhembja mbi Pikëllim

————————————————–

Sa herë kujtojë sofrën e shtruar të Komandant Hysenit

Më ik mendja tek Pikëllima dhe mas dhembjen e Nanës

I them mikut tim Rifatit se burrëria e atij burri ishte epokë

E liria si hienë po e vret  dashurinë prindore si parim .

E si ta ruajmë kodin e këngës epike,nëpër  këto erëra

Që valëvisin edhe besën si shaminë e këngës së çikave

Kur mikes i shkruaj letër, se ajo është vetë fryma ime

Dhe shtatë palë ethe i marrë për dashurinë që ndjejë

Kënga me kodin e besës tani është bërë melodi qerpiku

Ku loti mund të quhet më shumë se dashuri,në flakë lufte

E grishja të jesh ose të mos jesh nuk është më Hamletiane

Se kjo tokë shqip po frymon edhe me pikëllimin mbi shpinë.

/www.qendrapress.com/