Fryma poetike e së dielës me poetin:- Sami MULAJ

ATDHEU NË SHITJE

—————————-

Në lëndinë

një tabelë

si një gojë ujku me tetë dhëmbë të zi zgërdhinë:

PËR SHITJE

Hija e saj

një hartë e grisur,

si një monedhë e moçme,

e zvedhur dhe e shlyeme.

Lëndinë e dënuar,

në zemër të saj

një vrimë e zezë nxin.

Nuk lejohet këtu të shkel asnjë grue.

Nuk lejohet këtu të shkel asnjë fëmijë.

Nuk lejohet këtu të tymojë asnjë shtëpi.

SMulaj

/QendraPress/