Fryma poetike e së dielës me poetin:Xhemkadri KASTRATI
DO TË LARGOHEM
———————————-
Një ditë do t’largohem nga këtu
Do të fluturoj sikur zogu i mekur
T’a ndërtoj folenë atje larg diku
Në atë vend ku bren miza hekur!
Dhe folenë do e ndërtoj nga gurë
Do t’rri vetëm në atë shkretëtirë
Ku njeriu nuk do t’më sheh kurrë
Ku s’ka urrejtje, xhelozi as smirë!
Do të shkoj n’vendin e kaktusëve
Ku dhe në janar atje të djeg dielli
Të qëndroj n’mesin e bambusëve
E mbi kokë le t’më qëndron qielli!
Ose t’shkoj n’çerdhën e ciklopëve
Sikur ujku prenë, le t’më shqyejnë
Dua t’u liroj vendin të pangopurve
Nga faqja e dheut le t’më shlyejnë!
Dhe të iku larg nga tokë e harlisur
Që tua lë dhelprave ta hanë prenë
E të shkoj atje në tokën e braktisur
N’atë tokë të egër ku njeri nuk vjen!
T’ua liroj vendin edhe të uriturve
Që dhe ata t’ngopen nga lakmitë
Tu ofroj kënaqësi dhe të“miturve”
Të vallëzojnë përmbi padrejtësitë!
E kur unë më s’jam, le të më qajnë
Kinse u dhimbësem, le të marohen
Të tjerë të “sëmurë” do më shajnë
E pas ikjes sime uroj që t’kurohen!
/www.QendraPress.com/
