Fryma poetike e së mërkurës me poeten;-Meri MEZINI

PAS PUTHJES

———————-

Pas puthjes fytyrat kthen në lule,

Faqet ngjajnë me trëndafilat rozë,

Këmbët dridhen sikur s’kanë më kocka,

Trupat qëndrojnë mbi damarët e hollë.

Mbas puthjes duart marrin dridhjet e radhës,

Buzët si flakë e kuqe në gojë,

Kur sytë përplasen lotojnë të lumtur,

Trupat nga epshet ngërçi i pushton.

Pas puthjes ndizen dritat e shpirtit,

Dy shpirtra binjak në ndjenja lundrojnë,

Kur dy të dashuruar, i shijojnë k’to puthje,

Qielli dhe yjet ata i xhelozojnë.

Pas puthjes vrapojnë të lumtur plot jetë,

Vrapojnë në terrin e natës me hënë,

Dhe shiu që bie mbi kokat se ndjejmë,

Dashuria të deh, të vel kur ka ndjenjë.

/www.qendrapress.com/