Fryma poetike e së mërkurës me poeten;- Rajmonda Shyta KOLVANI

Serenata.

———————————-

Me sonatat e Mozartit po jepej një recital,

Me gjith piano e morra pjanistin atë natë,

Ta solla poshtë dritares dhe s’mbeti korçar,

Ta mbante mënd, nga më të bukurat serenatë.

Sapo dëgjove notat e para, shpejt vrapove

Hape kanatat por kokën s’e nxorr jashtë,

Pas perdes të najlontë fshehur përgjoje

Nga frymëmarrja vallëzonte perdja ,e pashë.

Kur mbaroi koncerti brenda na ftoi yt atë,

Konjak korçe pimë e kënduam gjatë natës,

Ti në tavolinë le takimin me gota të argjendë,

Le dhe këngën e zemrës me tinguj të lartë.

Marifete na bënin këmbët kur dolëm jashtë,

Pengoheshim kalldrëmeve rrugicave bërë tapë,

Dhe sot e dashur për atë të bukurën serenatë

Do pi e dehem për ditët që s’kthehen më prapë.

/www.qendrapress.com/