Fryma poetike e së mërkurës me poeten;Barie ÇUPI

Në kërthizë të dritës

———————————–

Çapaçitjet e takave,

dekolteja,

mendja,

ndjenjat,

zjarr në parajsë,

ligjërim,

adhurim,

thonë po vetëtin një grua,

është nënë,

është motër,është vajzë,

shiu dhe gjethet e panjës,bien në vjeshtën e parë,

fërshëllejnë erërash,spërkasin mbi kitarë.

…

më brejtën rropullish gjith’sa lëndime,

merreni përshfaqur ju britmën time,

bëjeni melodi k’të endacake të kotë,

gjoksit m’janë shpërthyer avuj të ftohtë,

që në ciklat e grunjta të agimit të parë,

luleverës,vesë e lotëve m’është tharë.

…

kaherë kompromis kërkoja me vdekjen,

eshtrave pikturë,skalitur me heshtjen,

isha vetëm pulsim,jo gjahtare e djallit,

zverdhur,burgosur,urtive të hallit.

…

buzëve të plagëta pjekur tezgat me fjalë,

të vrugëta fytyrat,s’di shpirti ku me ndalë,

“udha e letrave” më citoni në adresë,

në kërthizë të dritës,Zoti do më presë.

/www.QendraPress.com/