Fryma poetike e së mërkurës me poeten:Shukrije GASHI

3 TETOR 2023

Nuhi (Rexhep) Berishës

——————————-

Asgjë mund t’ them për ditëlindjen tënde

sot hero me çizme betoni latuar

me duart e tua çelik lapidar Lirie

Një parakalim krahzezash me krrokamë

mbi qiellin e Prishtinës

më shkundi nga dhimbja për Ty

e vaun nuk po mund ta gjej askund

E zbrazë heshtja ftohët përplaset

me rrëbim mbi mua e përgjigje nuk kam

Idhët flet me pikëllimin stina e Festës Përjetësi

mungesa e fotografisë Tënde krah

asaj t’Xhepës në Shtëpinë e shokëve

t’burgut që Ti i deshte ma fort se sytë

e tu pranverë kurrë t’mbyllur nga malli për

Liri as nesër

më vrau më shumë se dita kur mësova

për rënien Tënde Feniks gjakimit Shqipëri

Ka vite që nuk fle nga dhimbja e madhe

për vrasjen tënde me pahir herën

e dytë pas betejës me Serbi Lua

mesnatës skëterrë janarit t’acartë

kur more Kosovën gjak mbi vetull

krisma bataresh UÇK nismtar vrapit

Spartian vrave frikën robëri

vullkan ndeze Flakadanin parzmor

për Kosovën e zhytur n’ mjerim

E dje po them më afër se këtë çast

rebelimi me shkas

zhgënjimit me shokët e tu

teksa kalimthi flasin për namin tënd

nën sqetullë a hije

voglësishë e smirash partiake

Hero me qizme të betonta Lirie

latuar me duart tua çelik

sa shumë më dhembë harrimi

i shokëve për Ty

Nuk kam fjalë për mungesën

fotografisë tënde krah vëllaut

tënd “Xhepës” Hero

Gëzuar Lirinë te shkallët po të pres

si dje e nesër…

/www.qendrapress.com/