Fryma poetike e së mërkurës me  poetin:-Stavri HIMA

PO SIKUR” (!?)

——————————-

Sa shumë të mundon kjo pyetje

Kur unë flas dhe ti dëgjon

Kjo pyetje të le në mëdyshje

Nuk vendos dot kur s’e beson

Sepse jo vetëm thashethemet

Që përcillen lehtë në opinion

Por edhe largësia që kemi

Shpirtrat ne, na i deformon

Prandaj në vendimet tënde

Zjen ideja: “…po sikur…?”

Dhe të detyron jotja mendje

Që zemrës t’i vësh një gur

Ndaj unë, shumë herë të them

Duhet të shihemi patjetër në sy

Që të dimë deri ku do vejë

Halli që na bashkon ne të dy

Por ti princesha ime nguron

Me mendimin “po sikur?” Ti…

Dhe ditë-natë mendon

Më mirë hiç, se me një shpirtzi

Ndaj, ndikuar me thashethemet

Ti e braktis dashurinë tënde

Se nuk vendos as për takim

Ku mund të ndryshonë mendjen

Dhe unë të pres me durim

Kur do shihemi njëherë në sy

I bindur se nuk jam gabim

Pasi e meritojmë këtë dashuri

Iluzionet s’e nuk jam ashtu

Siç dëshiron ti, të jem unë

Na bëjnë të vuajmë të dy

Edhe në ëndrra, në gjumë

/QendraPress/