Fryma poetike e së mërkurës me poetin:Agim DESKU

ANTE PORTAS OSE E BUKURA E DETIT JETON

————————————————————-

Mê shekuj ishim të privuar nga liria

Për asnjë çast të mendojmë për të bukurën

E lëre ma sytë e mi t’i takojnê të bukurës së detit dhe tokës

Vetëm në shpirt ndjeva bukurinë e saj

Me lot përjetova parfumin e mbretëreshës

Ku aty e kisha fatin e lirë të popullit tim të mirë

Sytë e mi jetuan për të bukurën

Kurrë nuk ishin në anën e luftëtarëve të frikës

Çdo çast luftojnë për çlirimin e saj

Për t’ia ngrit emrin në Olimp

Për të vërtetën që më lanë shekujt

U bëra edhe luftëtar i lirisë

Me frikën deri në ashtin e rrënjëve të mia

Më duhet të luftojnë çdo çast sytë e mi

Të bukurës për t`ia ngrit emrin në hyjneshë

E di që në hije hienat më rrinë pas

Dhe ma hapin portën e ëndrrave Ante portas

Kur ç`më del përpara fuqia e ferrit të Dantes

Ndonjë kapedan i legjendave të zanave

Më rikthehet në Prometheun e ditëve tona

Ah ,s¹a gjatë jetova në ëndrrat për të bukurën

Deri tek secili det dua t`i ndaloj Bajlozët

Jam betue shqip para dymijë viteve

Së o do jem i lirë o s`do ekziston emri im

Të bukurës do t`i dalim zot si në kohën e Gjergjit

Me fuqinë e shpirtit kam më ia rujtë bukurinë përrallore

Kur ëndrrat e mia do t`i ekspozoj në muzeumin e kujtimeve

Por që do që e bukura do të ekzistoj edhe pa ty edhe pa mue

Veç mikja ime mund të na i ruan ëndrrat që dje më mbytën

Kur kujtova janarët e acartë vrastarë.

Janar 2024 Agim Desku

/www.QendraPress.com/