Fryma poetike e vitit të Ri me poetin;Shukrije GASHI

SA E VARFËR MBETA PA TY NËNË

———————————————

Mëngjesin e trishtë që ike nga kjo botë

e kuptova sa e varfër mbeta pa Ty

mu tha fyti nga etja për thirrjen e emrit tënd

krejt çka pata e more me veti në trastën

e mallit kurrë të shijuar mjaftueshëm

për ne të dyja

KurTi ike

shpirtit iu rrënuan të gjitha dritaret e jetës

asnjë fjalë mu kujtua atë çast

as emri im

një tërmet skëterr u përplasë në mua

nuk pashë ma asgjë rreth veti

veç shtratit tënd

nga dhimbja gjunjtë mu prenë

Fantazma ime e braktisi trupin tim

më mori në krahë shpëtimi thash

ishte beteja ime e fundit për Ty

e kuptova se nuk ecja më në këmbët e mia

Të mbajta shumë çaste në përqafim

derisa ende ishe e ngrohtë

gjithë trupin ta putha qetë e me pikëllim

thellë i mora erë

u mbështolla me lëkurën tënde

e mora të tërën me veti

për most ta harruar kurrë

shijen e aromës Nënë

Me shumë mund kapërdiva ngashërimin

pelim në mënxyrën për Ty

pata frikë se mos ta prishja qetimin

nga dhimbjet

që të vodhën atë mëngjes të mugët

pa mëshirë

as nesër e shfryva hidhërimin

nga frika se do të kafshonin

sërish nepërkat e dhembjeve

Ah sa e varfër që ndihem pa Ty

edhe sot pas kaq vitesh

më thirrë vetëm edhe njëherë

të lutem

kam shumë mall për zërin Tënd

/www.QendraPress.com/