Fryma poetike me poeten:Albina TREBICKA
MË THE…
——————————————-
Merri ngjyrat e pikturave të mia
dhe ngjyros nga pak vargjet e tua
Merri gjithë puthjet diku harruar
nëpër vargje poezish ato i dua…
Merri dhe përqafimet e mia ndër vite
dhe lidhi me to vargjet nëpër strofa
Shpirti, peizazh që pikturon mendimi
Poezia, kambanë që tronditet bota
Më the…merre edhe vetminë time
Mbështill të thyerat kujtimet tona
Qëndron heshtja mbi pritjet e mia
Vitet e jetës tek pikturat i mbolla
Më the…ktheji në vargje pikturat e mia
sepse PIKTURAT “flasin” si vetë POEZIA
/www.qendrapress.com./
