Kurti sot takohet me Haradinajn, flasin për dialogun me Serbinë

                            Kryeministri Albin Kurti, do të takohet sot me kryetarin e Aleancës për Ardhmërinë e Kosovës, Ramush Haradinaj, në ora 12:00.Lajmin e kanë konfirmuar dje zyrtarë të AAK-së. Në këtë takim, Kurti dhe Haradinaj, do të diskutojnë për ecurinë e dialogut mes Kosovës dhe Serbisë.Takimi mes tyre do të mbahet me ftesë të kryeministrit Albin Kurti.Ndërsa nesër kryeministri do të takohet me kryetarin e Lidhjes Demokratike të Kosovës, Lumir Abdixhiku.Zëdhënësja e LDK-së, Sibel Halimi, e ka konfirmuar takimin mes tyre, duke bërë me dije se ai do të mbahet të mërkurën në ora 11:00.“Tashmë është caktuar koha dhe dita e takimit. Takimi do të mbahet të mërkurën nga ora 11:00”, është shprehur Halimi.Ndërsa kreu i PDK-së, Enver Hoxhaj është shprehur se nuk do të marrë pjesë në takim, ani pse Kurti ka bërë ftesë edhe ndaj tij.