Përurohet objekti për qëndrimin ditor të pensionistëve në Mushtisht të Suharekës.

Sot është përuruar zyrtarisht qendra për qëndrimin ditor të pensionistëve në fshatin Mushtisht të Suharekës.Ky investim i rëndësishëm është mundësuar edhe  falë bujarisë së Ismet Shala, një donator i njohur dhe përkrahës i fortë i nismave sociale.

Kryetari i Komunës së Suharekës, Bali Muharremaj, shprehu mirënjohjen e tij të thellë për kontribuesin e  Ismet Shala. “Jam i lumtur që po jetojmë një moment ku dikush kujdeset për pensionistët dhe i jep atyre mundësinë për të kaluar kohë cilësore dhe të sigurt,” tha Muharremaj.