Totaj ndodhet në një vizitë në Francë
Kryetari i Komunës së Prizrenit, Shaqir Totaj dhe drejtori Drejtorisë për Kulturë, Rini dhe Sport, Adem Morina, së bashku me shumë kolegë dhe ambasadoren e Francës në Kosovë, gjenden në një vizitë në Francë, vizitë kjo e organizuar nga ambasada e Francës në Kosovë.
Siç bën me dije komuna, gjatë këtyre diteve ata kanë vizituar Qendrën Kulturore në qytetin Amiens, si dhe janë takuar me Kryetaren e këtij qyteti.
“Në këtë vizitë, ndër të tjerash është biseduar për rëndësinë e këmbimit të përvojave si dhe mundësinë e bashkëpunimit në fusha të ndryshme”, thuhet në njoftim.
“Gjatë qëndrimit në Francë ata vizituan qytetin Cambrai dhe u takuan me Kryetarin, vizituan Qendrën Kinematografike në qytetin Turcoing, me të cilën qendër Dokufesti kishte bashkëpunim tashmë”.
“Në qytetin Lille kanë vizituar prefekturën dhe janë pritur nga Prefekti me një koktej rasti, ku është shprehur optimizëm nga të dyja palët për një bashkëpunim të avancuar në lëminë e kulturës dhe jo vetëm”.
