Fryma poetike e së mërkurës me poetin; Destan S.UKAJ
DO TË VIJË
Atje do të nisëm në këmbë
Aty kam për të ardhë
Tek Ara e Dëshmorëve nën Sukal
Me lulëkuqet e pasbjeshkës
Erdha me hapat e pleqëve
Do të vijë tek ti me barrën e mallit
Me gurin e Sukalit
Me hapin e djalit.
Erdha në këtë lendinë
Me gurë në shpinë
Anë e kënd botës braktisë
Do të vijmë Atdhe
Me varkën e Odisesë
Me hapin Maratonomak
Do të vijë tek Ti Sukal
Edhe kur hëna shëndrit
Edhe kur dielli bënë dritë.
Tek Ti do të kthehemi Atdhe
Si një Ante.
/www.qendrapress.com/