Fryma poetike e së mërkurës me poeten;Albina IDRIZI

Përqafim vjeshte

——————————-

Thuajse papritur

të merr në krahë,

aromë joshëse

pasionesh të pjekura

mbërthyer në gji të mban.

Nën tinguj të qetë

të një simfonie shiu,

vallëzon me ty, pa fjalë,

hapave kuqërreme

që dehur nga era

luhaten ngadalë.

Çdo trill i ri,

hazdisur rrezeve të vona,

stepet në një natyrë të hutuar,

me pamjen e një vashe

lazdruar në të dashurisë lojë,

kur befas, ndjehet grua.

/www.qendrapress.com/