Fryma poetike e së mërkurës me poeten:Teuta Art MUÇAJ
Në mendjen time…
——————————————-
Ja dhe pak, po ikën koha
E ti m’vjen si dritë e rrallë
Mbaj fytyrën në mesduarsh
Sa pak fjalë e sa shumë mall!
Vjen si mjegull mendjes sime
E s më lë të shoh më tej
Veç dy vargje, tre kujtime
E një shpirt që zbret shtat qiej!
Si të heshti nënë e shkreta?
Kur m’ është gjak e rrjedh në deje.
Eh sa doja që të flija
Veç atëherë unë rend pas teje.
Ehh pra dhe sonte mbrëma
Hyrë nga xhami si muzikë
Këtej shpirti, andej zemra
Ti në mes më shpon si thikë!
Prapë e shkrova sot në letër
Ta zbraz zemrën që është varrë
Nuk mund të bëja asgjë tjetër
Kur veç shpirtit skam ç’të falë…
/www.QendraPress.com/
