Fryma poetike e së dielës me poeten:- Ermira BEZATI

Dielli mban me hatër

————————————-

Në ç’pjesë të tokës moj jeton ti?

Çfarë i bën ti diellit,me hatër të mban!

Më thuaj të lutem shumë dua t’a di,

Vajzat si ti, nuk gjenden nga këto anë.

Beli jot i hollë,gusha pa gjerdan,

Shumë bukur po dukesh, vall a e di?

Cfarë i bën ti diellit,me hatër të mban!

Ku ka qenë e fshehur gjithë kjo bukuri.

Kush të sheh ty, zemra fillon i qanë…!!

Si s’të kishin parë,si s’të kishin prekur,

Çfarë i bën ti diellit,me hatër të mban!

As rrufe e breshër ty s’të kishin gjetur.

E fshehur nën qerpik, në lotin e tretur,

Sapo u ngroh koha ti çele përnjëherë,

Dielli kur të pa, pa gojë kishte mbetur,

Prandaj të gjitha stinët i bëri pranverë.

Derdhur pa përtesë flokët mbi supe,

Bukurisë së tyre s’po u gjendet derman,

Yjet e qiellit more dhe ja hodhe syve,

Tani kuptoj pse dielli me hatër të mban.

/www.QendraPress.com/