Fryma poetike e së mërkurës me poetin;-Skender BERISHA
NJË ÇAST HESHTJEJE
————————————-
Nëse hesht mos pandeh se kam vdekur
jam këtu si moti dhe i paepur
veç pak pushova për sa ora
dhe një tjetër vrull mora
nuk mund të rri i heshtur si ti
ani se për mua nuk ekzistojnë mrekulli
veç pak dremis veç për pak
se nuk dua lak në qafë
nën pushtetin e shkurtë të qetësisë
ndiej krejt goditjet e ligësisë
një orë ligjëratë për shpirtin
pastaj lëvizin sytë e mi
atje te majë e plisit
ku stuhitë nisin
rrëfimin
për fisin
/QendraPress.com/