Çaste poetike me poeten:- Selvije KADRIU

RRUGËTIMI

——————————-

Sonte u nisa rrugës

atje ku e ndiqja zërin tënd

ato këngë të dashurisë

që i këndoje

E kërkova fytyrën tënde

engjëllore

ata sy plot shkëlqim

E kërkova buzëqeshjen tënde

dorën tënde në ballin tim

kur kisha zjarmi

atë zë të dashur

i cili ma thonte

ti je mbretëresha ime

E pastaj e ktheva

kokën nga qielli

e luta perëndinë të takoj

edhe një herë

qoftë edhe atje ku je

/QendraPress.com/