Fryma poetike e së dielës me poeten:-Irena DRAGOTI

Më prit në Vjenë!

———————-

Mbështes gjestet e fytyrës që nxjerrin avull nga etja,

pas lëkurës së kureshtjes!

Ia ndjej aromën , zemrës që friket mes brinjësh

Zgjodha të riskoj edhe çka mbetet

nga guximi i resë për tu përplasur

Heshta ajrin dhe shkunda hijet

Qoshku që më tkurr për 1000 dollarë

tundon veç kohën…

Të premtoj

do arrij me shpejt se Odisea,

vetëlidhur në bashin e anijes

Mëngjes do jetë tek ti

ashtu si nisja

Përgjoj qepallat e cigares tënde

që pulit me nikotinë ëndrrën tonë të përqafimit

Më prit në Vienë!

Poshtë heshtjes së asaj që ndodh kur je vetëm

Plot humbës e fitues aeroporti

Unë dua të shoh veç fjalët tona kur thyhen mes buzëve

Isha e dukshme në mungesë

ndoshta zhdukem në krahët e tu

Avioni u ul…tani

/QendraPress.com/