Çaste poetike me poeten;-Shqipe BYTYÇI

INTEREGIUM

—————————-

Jam zënë në flluskën

mes kohës dhe hapësirës

mes të djeshmes

plot ngjyra, plot ëndrra

(paçka gjunjë-grisur)

dhe mes të sotmes gri

mes virusesh nga dorë njeriu

përralla fëmijësh nga gojë kabllosh

Jam zënë

mes tokës ku mbira

e asaj ku me çoj stuhia

peng mes tokës dhe qiellit

mes dje dhe sot

kur shpirti donë

por e prekshmja s’ja del dot

ku dhuna, prodhon dhunë

ku njerëzorja nuk përqaset më

ku trollit të pëlleshëm kohë-thyerjesh

njeriu i tjetërsuar hedh farën e trishtit

Interegium

kuptova, ligji i xhunglës

nuk është më i egri

shoh si zhbëhen kufinjët

si bijën maskat

si secili mban linjën e kampit vet

si çdoherë, shfajësohet i forti

Interegium

njerëzorja lëngon rëndë, rëndë

ShB, shkurt 2025

/QendraPress.com/