Fryma poetike e së dielës  me poetin;-Feim BLLACA

RRËNJA IME E VËRTETË

—————————————-

Në vendlindjen time lind dielli i qeshur

Mbi fusha të gjelbra dhe male që ndrit

Vendlindja ime me aromën e butë t’luleve

Më flet me dashuri për çdo gur,dru dhe rrugë.

Ruaj në nënvetëdije çdo ngjarje

Të atyre viteve të arta fëmijërore

Natyrën e fshatit me bukuri përrallore

Në shtratin e mendjes je vendlindje.

Vendlindja shpirtin ma mbush me dashuri

I kujtoj emrat e shokëve t’mi një nga një

Nëpër kokën time kujtimet enden

Rrënja ime e vërtetë.

Atdhe udhë e dritës

Oqean i pasosur dashurie

Ndjenjë e thellë

E gdhendur n’zemër.

/QendraPress.com/