Fryma poetike e së dielës me poetin:Faruk TASHOLLI

SHTËRGU IM I ARRATISUR

(Triolet për Lasgushin)

I

Që kur bëra këngë për ty

Shtërgu im i arratisur,

Asaj vjeshte ra shumë shi

Që kur bëra këngë për ty.

Kënga binte shi-mërzi

Mbi liqerin e molisur.

Që kur bëra këngë për ty

Shtërgu im i arratisur.

II

Zbrita vonë te bregu yt

Me një zjarr bubulluar,

Kënga ime nyjë në fyt

Zbrita vonë te bregu yt.

Nëpër vesë vreri m’u mbyt

Nën këngën e lartësuar,

Zbrita vonë te bregu yt

Me një zjarr të bubulluar.

III

Veç te ti shporret thëllimi

Si bie dielli mbi liqe,

Me mëngjes hepon ngazëllimi,

Veç te ti shporret thëllimi.

N’sy nositi çel agimi

Ku Driloni shpie rrëke,

Veç te ti shporret thëllimi

Si bie dielli mbi liqe.

(Pogradec,18 prill 2016)

/QendraPress.com/