Fryma poetike e së mërkurës me poeten:-Bujana MALAJ

PREHU I QETË BAB HAXHI THAÇI

———————————————

Faleminderit babë që m’prite

për Kosovën babë më rrite

m’prite babë sa t’preka ballin

t’lodhun t’gjeta po m’shujte mallin.

Tri orë babë si tre sekonda

sa shumë lashë e sa pak mora

fytyra jote mbeti pikturë

midis nesh pati një mur.

Për kaq vite larg më mbajtën

mall e lot ndërveti patëm

mosha e vdekja s’pritën ma

nuk dhe shpirtin dhe i herë me m’pa.

M’prite babë , m’priti Kosova

kur të preka u dridh dhe toka

UÇK-ja çehren e n’drroj

komandantin kur e shikoj.

Ndër herojt e gjallë e t’ vdekun

mbrapa hekurash jam i tretun

n’rast se ka në botë drejtësi

gjithçka dhashë babë për liri.

Amanet babë rri i qetë

i fortë jam siç m’rrite vetë

s’ mun ta fala një grusht dheee

nga Drenica ku kam le.

Ani babë pse nuk t’përcolla

dy pikë loti n’flamur ti çova

amanet shqipes i thashë

du Kosovën si palcën n’asht.

Prehu i qetë babë Haxhi Thaçi

n’burgje t’Hagës po “dergjet” djali

nuk du tjetër veç se drejtësisë

UÇK- emri i lirisë.

18mars2025

/QendraPress.com/